فلاش هو ابليكيشن للدفع سهل تستخدمه موجود عشان يسهلك حياتك، و ده عشان ممكن تتدفع اي حاجة في أي مكان، و في أي وقت بشكل سهل و سريع: كل اللي محتاج تعمله هو أنك تضيف بيانات بطاقتك البنكية في حسابك على ابليكيشن فلاش، و بعدها تقدر تدفع لأي شركة او شخص أونلاين، أو ممكن كمان يتم الدفع من خلال QR code بشكل سريع و بشوية ضغطات بسيطة بس من موبايلك.

لأن جميع عمليات الدفع الإلكتروني بتتم من خلال بنك مصر بموافقة مبدئية من البنك المركزي، و ده يخليك متطمن ان الدفع من خلالنا هيكون  آمن ، سهل وسريع، احنا كمان موجودين عشان نوفرلك وقتك و مجهودك اللي بتقضيهم و أنت بتعمل حاجات مرهقه زي انك تدفع فواتيرك، و عشان الوقت دايماً بيجري بسرعه احنا موجودين عشان نساعدك تستغله لنفسك و ليومك احنا كمان فاهمين أن الفواتير التزام مهم لازم يتدفع و أنه مش الجزء المفضل من الشهر لأي حد مننا، لكن بأقل مجهود هتقدر تدفع فواتيرك في لحظه. فواتير الكهربا، و التليفون، و الانترنت، كل ده و اكتر! و بكده خلاص الفواتير مش هتوقفك تاني في طوابير. تخيل كده! أنك طلبت حاجه عجباك اونلاين و لقيت جرس الباب بيرن بس مش معاك فلوس كاش. متقلقش بعد كده ده مش هيعملك مشكلة ، و ده لاننا متعاقدين مع شركات كتير و بنديهم QR code خاص بينا تقدر تعمله سكان بالابلكيشن و تدفع من مكانك، و حتي لو انت مش موجود في البيت عشان تستلم الاوردر ممكن اللي موجود يحمل ال QR Code علي موبايله و يبعتهولك تعمله سكان و هتقدر برضو تدفع في ثواني

كل الموبايلات اللي بيكون فيها نظام تشغيل بيدعم بصمة الوش او الاصابع.
كل الاجهزة اللي بتشتغل بنظام الأندرويد (أقل نسخة أندرويد تكون اندرويد  6.0 \\  Marshmallow : حتي نظام اندرويد 12 // Snow Cone).
الموبايلات اللي بتشتغل بنظام iOS ( أقل نسخة تكون  iOS 11).

تقدر تستخدم الابليكيشن من غير اى اشتركات شهرية او سنوية

هي خدمة بتبدل ماكينات البطاقات البنكية ب QR Code و بتبدل البطاقات البنكية اللي بتدفع بيها بموبايلك و بكده تقدر تدفع تمن أي حاجة طلبتها بعد ما تشوفها و تتأكد منها و ده كمان بيحل مشكلة ان ميكونش معاك كاش كفاية وقت الدفع، و كل ده بيتم من خلال اننا بنوفر للشركات اللي بنتعاقد معاها QR code تقدر تعمله سكان من موبايلك و أهم ميزة هي انك بتضيف بطاقتك البنكية مره واحده بس على الأبليكيشن و تقدر تستخدمها كل مرة في كل عملية دفع من غير ما تحتاج تضيف كل بياناتك تاني.

هنوفر الخدمة دي مع شركات كتير قريب.

أتأكد انك متصل بالانترنت و إختار إعادة إرسال الكود عشان يجيلك كود جديد. و خلي بالك، لو طلبت اعادة ارسال الكود أكتر من 5 مرات، هيتم إيقاف الحساب بشكل مؤقت و هتحتاج تستنى ساعة تانية عشان يجيلك كود تاني.

في خطوتين خلال عملية الدفع
الخطوة الأولى: هي لما تختار البطاقة البنكية اللي هتدفع بيها.
الخطوة الثانية: لما يتحقق الموبايل من هويتك من خلال بصمة الوش أو بصمة الأصابع عشان يتأكد أن صاحب الحساب هو الشخص اللي بيدفع.
الحالة الوحيدة اللي تقدر فيها تلغي عملية الدفع هي خلال الخطوة الأولى، و للأسف، بمجرد الانتقال للخطوة التانية وتأكيد الدفع ، الالغاء مش هيكون متاح.

التكاليف بتختلف من خدمة للتانية حسب مبلغ الفاتورة. قبل  أي عملية دفع ، بيتم توضيح توزيع التكلفة عشان تقدر تراجعها. و هتكون ضمن "رسوم الخدمة". و توزيع التكلفة بيبان كمان في تفاصيل الدفع بعد إتمام عملية دفع ناجحة عشان تقدر تتبع كل معاملاتك.

مفيش اي رسوم لخدمة سكان وادفع.

هيتبعتلك رسالة بأن عملية الدفع تمت بنجاح، و تقدر كمان تتأكد من عملياتك الأخيرة من الصفحة الرئيسية على الابليكيشن عشان تتأكد إذا العملية ناجحة أو لا.

1-تقدر تستخدم بطاقة الدفع البنكية الوطنية او الدولية.
2-تقدر تستخدم بطاقة الائتمان البنكية الوطنية او الدولية.
3-تقدر تستخدم بطاقة ميزة.

هتظهر تحت اسم "فلاش" او في بعض الحالات بيكون بعدها أسم الشركة المدفوع ليها زي: "فلاش رابيت"

أكيد، تقدر تنزل نسخة PDF من كل الفواتير اللي دفعتها وتطبعها في أي وقت.

ادخل علي "حسابي" من الصفحة الرئيسية, و هتلاقي علامة قلم  جنب اسمك فوق دوس عليها و هتقدر تغير بياناتك بسهولة.

تتم كل عمليات الدفع الإلكتروني من خلال بنك مصر بموافقة مبدئية من البنك المركزي.

بياناتك بتكون أمنه معانا لأن أي عملية دفع إلكترونية بتتم من خلال بنك مصر و بموافقة مبدئية من البنك المركزي، و كل البيانات بتكون مشفرة، و متطابقة مع معايير صناعة بطاقات الدفع، عشان تطمن ان اي عملية دفع هتكون سهلة، وآمنة.

أنت الشخص الوحيد اللي يقدر يشوف بيانات دفعه، و ده لأنها بتكون محمية ببصمة الوش او الأصابع.

بيانات البطاقات البنكية لعملائنا مش بتكون محفوظة في قاعدة بيانات فلاش، بس بتكون محفوظة في شبكة بيانات آمنة ومعتمدة عشان نضمن حماية كل البيانات.

أكيد، ده بيكون من خلال أنك تفتح الأبليكيشن و تختار "حسابي" اللي بيكون موجود في الصفحة الرئيسية وتختار "بطاقاتي" و هتقدر تمسح أي بطاقة موجودة.

أكيد، و ده بيكون من خلال أنك تختار "حسابي" من الصفحة الرئيسية الابليكيشن و تغيير بيانات البطاقة البنكية في أي وقت.

فلاش بيحفظ كل عمليات الدفع في "المدفوعات السابقة" و اللي بتظهرلك لما تدوس علي "حسابي" و بتفضل دايماً موجودة.

تقدر تتواصل مع شخص متخصص من فريق فلاش من خلال الابلكيشن او من اللينك ده:
الدعم

تقدر تسترد المبلغ المدفوع في خلال 14 يوم عمل.

تقدر تتواصل مع شخص متخصص من فريق فلاش من خلال الابلكيشن او من خلال اللينك ده:
الدعم

تقدر تتواصل مع شخص متخصص من فريق فلاش من خلال الابلكيشن او من خلال اللينك ده:
الدعم

احنا دايماً بنضيف فئات جديدة للفواتير. حاليا، الفواتير المتاحة على الابليكيشن هي:
‍
فواتير الاتصالات
شحن رصيد
دفع فاتورة الموبايل
دفع فاتورة الانترنت الخاص بالموبايل
دفع فاتورة الأنترنت المنزلي
دفع فاتورة الخط الأرضي

الخدمات
فاتورة الكهرباء
فاتورة المياه
فاتورة الغاز

وسائل الترفيه
اشتراكات القنوات “Bein Sports”
شحن العاب اونلاين

التعليم
المصاريف الدراسية  للجامعات

تبرعات
التبرع للمنظمات الخيرية والغير ربحية